Құдайберген Айтбаевқа медальді Нұр-Сұлтан қаласында таққан.
Бұл туралы Ақтөбе облысы әкімінің баспасөз қызметі хабарлады. Ақтөбе облысы әкімінің орынбасары Марат Тоғжанов Нұр-Сұлтан қаласында Құдайбергеновтердің отбасында болып, мемлекеттік және қоғамдық қызметтерде еңбек сіңірген, елдің әлеуметтік – экономикалық және мәдени дамуына, халықтар арасындағы достық пен ынтымақтастықты нығайтуға елеулі үлес қосқан Құдайберген Айтбаевқа «Ерен еңбегі үшін» медалін берді.
Естеріңізде болса, 12 желтоқсан күні Димаш Құдайбергеннің өзі де «Қазақстанның еңбек сіңірген қайраткері» атағын алған болатын. Ал 14 желтоқсанда Димашқа «Ақтөбе облысының құрметті азаматы» атағы берілді. Бұл марапат әншіні тәрбиелеп өсірген әжесі Миуа Низамутдиноваға табысталды.
Еңбектері еленген өнегелі отбасы ризашылықтарын білдіріп, Ақтөбе облысы әкімдігіне алғыстарын жеткізді.
