1 жыл бұрын «Nur Otan» партиясы Алматы облыстық филиалы жанынан белсенді партия ардагерлерінің қауымдастығы құрылған болатын. Қауымдастық отырысында осы уақыт аралығында атқарылған жұмыстар мен жұмыс жоспары, құрамын бекіту, кезекті сайлау қорытындысы мен облыстық сайлауалды бағдарламасының жүзеге асырылуы қаралды.
Алматы облыстық партия филиалы төрағасының орынбасары С.Нұрқадыров сайлау науқанында партия ардагерлері штаб қызметінде белсенді жұмыс атқарғанын ерекше атап өтті. Ол аталған штабтың үлкен іс-шаралардың ұйымдастырушысы болғанын айтты. Атап айтқанда, науқан аясында 6 049 шара ұйымдастырылып, карантин талаптары ескеріліп, 3 064 іс-шара онлайн режимде өткізілген. Іс-шараларға 412 048 адам қатысып, бетпе-бет кездесуде – 165 896, ал онлайнда 246 152 сайлаушы болған. Сөз соңында С.Нұрқадыров сайлау науқанында нұротандықтармен бірге атқарылған жұмыс үшін ардагерлерге алғысын білдірді. Отырыс барысында Талдықорған, Текелі қалалық, Ұйғыр аудандық қауымдастық төрағаларының 2020 жылғы атқарған жұмыстары бойынша есебі тыңдалып, облыстық қауымдастық төрғасы Е.Тұрымбетов қауымдастықтың жаңа құрамын және биылғы жұмыс жоспарын таныстырып, көппен бірге бекітті.Әбілмансұр ЖАСАН