Ақпаратты СІМ растап отыр.
Қазақстан елшілігінің қызметкері Қырғызстанмен мемлекеттік шекараны кесіп өту кезінде ұсталды Бұған дейін қырғыз БАҚ-ы құқық қорғау органдарындағы дереккөздерге сілтеме жасап, "Ақ-Жол" БӨП-дегі дипломатиялық машинамен болған оқиға туралы хабарлады. Kaktus.media дереккөзі 10 қаңтар күні кешке елшіліктің машинасымен Қырғызстан Қылмыстық кодексінің бірнеше баптары бойынша іздеуде жүрген Қазақстан азаматын шығаруға әрекет жасалғанын хабарлады. Кейінірек Қырғызстан ІІМ-нің баспасөз қызметінде алаяқтық жасады деп күдікке ілінген Қазақстан азаматшасының шекарада ұсталғаны туралы хабарлады. 1970 жылы туған ҚР азаматшасының Қырғыз Республикасының Мемлекеттік шекарасын кесіп өткенін хабарлау туралы жедел тапсырма берілген. "10 қаңтарда Шекара қызметінің қызметкерлері аталған азаматты ұстап, ҚР ІІМ тергеу қызметінің қызметкерлеріне тапсырды. Қазіргі уақытта барлық қажетті тергеу әрекеттері жүргізілуде", - делінген хабарламада. "Қазақстан шекарасындағы өткізу бекетінде әйел ұсталды. Іздеуде жүрген адам дипломатиялық нөмірлері бар машинада отырып, шекарадан заңсыз өтуге тырысты", - деп хабарлады 24.kg агенттігіне құқық қорғау органдары.
Қазақстанның Сыртқы істер министрлігінің баспасөз қызметі елшілік қызметкерінің ұсталғаны туралы ақпаратты растады. "10 қаңтарда қырғыз тарапындағы "Ақ жол"-"Қордай" мемлекеттік шекарасының бақылау-өткізу пунктінде Қырғыз Республикасындағы Қазақстан Елшілігінің әкімшілік - техникалық қызметкерлерінің қатысуымен оқиға орын алғанын растаймыз. Қырғыз тарапымен бірлесіп осы оқиғаның мән-жайын анықтау бойынша іс-әрекеттер жүргізілуде. Қазіргі уақытта біздің қызметкер үйінде", - деді Қазақстан СІМ ресми өкілі Айбек Смадияров.