Болгарияда өтіп жатқан халықаралық «Странджа-2021» турнирінде еліміздің боксшы қыздары 4 медаль еншіледі, – деп хабарлайды Olympic.kz.
Валентина Хальзова бокстан халықаралық «Странджа-2021» турнирінің жеңімпазы атанды. Әйелдер арасында 69 келіге дейінгі салмақ дәрежесінде жұдырықтасқан жарыста қарсылас шақ келтірмеді.
51 келіде сынға түскен Ангелина Лукас пен 75 келіде шаршы алаңға шыққан Надежда Рябец ел қоржынына қос күмісті салды. Карина Ибрагимова қола жүлдемен қоржынды толықтырды.
Айта кетерлігі, ерлер құрамасынан Бейбарыс Жексен мен Нұрқанат Райыс Болгарияда өткен халықаралық доданың қола жүлдегерлері атанған болатын.
