Орта салмақтағы IBF және IBO нұсқалары бойынша әлем чемпионы атағына бұрынғы үміткер Сергей Деревянченко өзінің қазақстандық Геннадий Головкинмен жекпе-жегі туралы айтып берді, деп хабарлайды Vesti.kz.
"Головкинмен кездесу-менің өмірімдегі ең үлкен жекпе-жек. Бірақ алда әлі көп кездесу бар. Сол жекпе-жектен ұтылмадым деп ойлаймын. Дегенмен, мен Головкинмен болған кездесуді қайта қарамадым. Бұған әлі дайын емеспін, қатты уайымдаймын. Тіпті Джейкобс пен Кулькаймен болған жекпе-жектерді де толық көрмедім. Эмоцияға берілемін, алаңдаймын", - дейді Деревянченко Sportarena.com Youtube-тағы Дене тәрбиесі арнасына сілтеме жасай отырып.
"Нокдаун ба? Соққы қарақұсыма тиді. Әрине, соққы кұшінен құлағаным рас. Головкин ылғи жоғарыдан соғады, бұл оның сүйікті соққылары. Мексиканың жаттықтырушылары осындай тәсілдерге үйретеді. Егер рефери тоқтатпаса, онда солай істеуге болады деген сөз. Менің бұрышым шағым айтпады, барлығы эмоциялар болды, өте тығыз жекпе-жек болды. Судьяға бірдеңе айтуға уақыт болмады, негізінен маған ақыл айтумен болды.
Шайқас жоспары басқа болды. Аяқпен жақсы қозғалып, қарсы соққымен, джебпен жұмыс істеп, қарымта шабуылдарды көп жасау керек еді. Ұрыста ол мұны істей бастадым. Бірақ ол бұрыштарды кесіп, мені ыңғайсыз жағдайға қойды. Ол өте шебер жұдырықтасты. Онымен жақын және орта қашықтықта жұдырықтаса бастадым. Өз жоспарымды орындап, тоқтамауым керек болды. Кез келген қарсыласпен 12 раунд жұдырықтасуға дайындаламын.
Гена – аңыз адам. Ол жақсы және күшті боксшы. Бірақ Альвареспен де жұдырықтасқым келді. Әрине, Головкин жас емес. Оның болашақ шайқастарына және қандай қарсыластармен шыққанына қараймыз. Бізде, келісім-шартта реванш туралы бөлім болмады. Себебі белбеу бос болатын. Менің Головкинмен жекпе-жектен алған гонорарым ба? Бес миллион. Головкин қанша табыс тапқанын білмеймін. Жылдың соңында салық төлеймін. Осы ақшадан менеджерге, промоутерге, жаттығу лагеріне беремін. Бұл команда менімен үнемі жұмыс істейді", - деді украин боксшысы.
