«Nur Otan» партиясының Ұйғыр аудандық филиалына Шонжы ауылы Табылғанов көшесіндегі №50 үй тұрғыны Шарапатхан Қабаева келіп, партиялықтардан көмек сұрады. Ол әңгіме барысында немересіне бүйрек ауруына байланысты бірнеше рет Алматы, Нұр-Сұлтан қалаларында ота жасалғанын, алда тағы да еміне қаражат қажет болатынын айтты.
Артынша тез арада өтініш иесінің мәселесі бойынша тиісті шаралар қабылданып, оның өтінішін орындау мақсатында аудандық мәслихат депутаттарының қатысуымен Ш.Қабаеваның жеке тақырыптық қабылдауы ұйымдастырылды. Аталған мәселе бойынша «Nur Otan» партиясы Ұйғыр аудандық филиалы төрағасының бірінші орынбасары Мәулен Нұров тұрғынға жәрдемдесу жұмыстарын жеке бақылауына алды. Аудандық мәслихат депутаттары азаматтың өтінішін орындау мақсатында оған 1 миллион теңге қаржылай сертификат табыстады. Шарапатхан Қабаева өтінішін аяқсыз қалдырмаған партиялықтарға алғысын жеткізді.А.ЖАСАН