Ақтаулық келіншектің есімі - Гаухар Ешмұханова. Ол 35 жасында көпбалалы ана атанды. Бұл жайында Ақтау қаласы әкімдігінің баспасөз қызметі хабарлады.
Олардың мәліметінше, ерлі-зайыпты 2001 жылы үйленген екен. Қазір Сәкен мен Гаухардың тоғыз баласы бар. Оның төртеуі - ұл, бесеуі - қыз. Балалардың үлкені 19 жаста болса, ең кішісі - 9 айлық. Арасында егіздер де бар. Ерлі-зайыпты жақында олардың қатарына тағы бір сәби қосылады деп күтуде.
«Балаларды бағып-қағуға енем мен үлкен қыздарым көмектеседі. Үлкен балаларым өздерінен кейінгі кішкентайларға бас-көз болып, үйдің тірлігіне араласып, істесіп жатады. Солардың арқасында өзіме уақыт тауып, ұнайтын іспен айналысып жүрмін", - дейді Гаухар Ешмұханова.
Оның сөзінше, ол бос уақытында шығармашылықпен айналысып, мерекелік кештерде ән айтады екен.
