Бұл туралы Pavlodarnews.kz жазды.
Полиция департаменті анықтау басқармасының басшысы Қабдулманап Акебаев: «2018 жылы сот Павлодар қаласының 37 жастағы тұрғынынан балалар үйінде тұратын ұлын асырауға алимент өндіріп алу туралы шешім шығарды. Сот шешімі бойынша әйел ай сайын ұлына жалақысының 1/4 бөлігін кәмелетке толғанға дейін төлеуі тиіс еді. Алайда ол баласына ешқашан ақша төлемеген. Сот талабын орындамады», – деді.
Сол себепті, әйелді әкімшілік жазаға тартты. Бірақ осыдан кейін де әйел тиісті қорытынды шығармаған. Әйел жұмыс істеп, жалақы алған. Бірақ оны сот орындаушысынан жасырған.
«Әйел 5 жасар ұлына 1,5 млн теңгеден астам қарыз. Сондықтан 2021 жылғы 9 маусымда Павлодар облысы кәмелетке толмағандардың істері жөніндегі мамандандырылған ауданаралық соты оның баланы күтіп-бағуға қаражат төлеу жөніндегі міндеттерді орындамағаны үшін Қылмыстық Кодекстің 139-бабы бойынша 1 жылға бас бостандығын шектеді, – деді Қабдулманап Акебаев.
