Жаңалықтар AMANAT Қазақстан 6 мыңға жуық жас маман жұмысқа орналасады 6 мыңға жуық жас маман жұмысқа орналасады «Айқын» ақпарат 11/06/2021 23:30 128 оқылды «– Облыста 14-тен 28 жасқа дейінгі жастар саны 98 910 адамды құрайды, бұл облыс халқының 18,2%-ы. Жоғары және арнаулы орта оқу орындарындағы студент жастардың саны – 18 224 адам. Жастар үшін бағдарлама аясында 5 бағыт қарастырылған: азаматтық белсенділік, сапалы білім, жұмысқа орналастыру және жұмыспен қамту, жас отбасыларды қолдау және қолжетімді баспана, сондай-ақ жеке тұлғалық даму және бос уақытты тиімді өткізу. Бағдарламаны тиімді іске асыру үшін облыстық, қалалық және аудандық Жол карталары жеке әзірленді. Өңір бойынша барлығы 775 кешенді іс-шараны іске асыру жоспарлары жасалынып, 358 индикатор айқындалды. Облыстық Жол картасы 34 нақты индикатордан және 72 кешенді іс-шарадан тұрады, – деді «Jas Otan» Жастар қанаты Солтүстік Қазақстан облыстық филиалы төрағасы Біржан Құдайбергенов. Бағдарламаның негізгі бағыты – жұмыспен қамту және жастар арасындағы жұмыссыздық деңгейін төмендету. Осылайша, Жол картасы шеңберінде жыл сайын кемінде 5,8 мың жастар өкілін жұмысқа орналастыру, 1,5 мың жасты өз бизнесін ашу дағдыларына үйрету, «Бастау Бизнес» және «Жас Кәсіпкер» жобалары шеңберінде 500-ден астам кредит пен грант бөлу жоспарланған. Өнеркәсіпте жаңа кәсіпорындар құру арқылы жас мамандарға жұмыс орындары ұсынылады. Студент жастарға да ерекше көңіл бөлінеді. Қазір өңірлік жоғары оқу орнының материалдық-техникалық базасын нығайту бойынша жұмыстар жүргізіледі, биыл заманауи технологиялармен және 73 зертханамен жабдықталған оқу-зертханалық корпустың құрылысы аяқталады. ЖОО студенттері үшін 500 орындық 2 жаңа студенттік үйдің құрылысы қолға алынды. Сонымен қатар қала колледждерінің оқушылары үшін 488 орындық тағы 2 жатақхана салынып жатыр. – 2017 жылмен салыстырғанда облыста мектеп түлектерінің кетуі 30% -дан 12%-ға дейін төмендеді. «Дипломмен – ауылға!» бағдарламасының табысты жүзеге асырылуы арқасында біз ауылдарда мамандардың жетіспеушілігі мәселесін шешуді жоспарлаймыз. Сондай-ақ «Серпін-2050» бағдарламасы жүзеге асырылуда, 2014 жылдан бастап аталған бағдарлама бойынша М.Қозыбаев атындағы Солтүстік Қазакстан университетіне 1 546 адам келіп оқуға түсті. Облыста жастардың 30%-дан астамы денешынықтырумен және бұқаралық спорт түрлерімен айналысады. Сонымен қатар спортшы жастарымызға 3 мың орындық үлкен спорт сарайын салу арқылы қолдау көрсетіледі. Спорттық нысандар мен құрылыстар салу жоспарланып отыр, соның арқасында жастардың бұқаралық спортпен қамтылуы 45%-ға дейін артады, – деп атап өтті партияның өңірлік филиалының төрағасы Құмар Ақсақалов. Әбілмансұр ЖАСАН
