Қазақ телевизиясының ардагері Нұртілеу Иманғалиұлы атындағы стипендияға байқау жарияланды
Қазақ телевизиясының ардагері Нұртілеу Иманғалиұлы атындағы стипендияға байқау жарияланды

«Қазақстан» телерадиокорпорациясы қазақстандық жоғары оқу орындарындағы журналистика факультетінің II, III, IV курс студенттері арасында Қазақ телевизиясының ардагері Нұртілеу Иманғалиұлы атындағы стипендияға байқау жариялайды.

  «Нұртілеу Иманғалиұлы – өзінің эфирдегі бейнесімен Қазақ телевизиясының тұтас бір буынын тәрбиелеген тұлға.  Біздің мақсатымыз – осы сабақтастықты жалғау, телевизияда Нұртілеу Иманғалиұлының ізбасарларын дайындау, есімі мен шығармашылығын кеңінен насихаттау. Екіншіден, бұл болашақ журналистердің шығармашылық шеберлігін шыңдауға көрсеткен қолдауымыз», - дейді «Қазақстан» РТРК» АҚ Басқарма төрайымы Ләззат Танысбай.

 

Үміткер Н.Иманғалиұлының телевизиядағы тұлғасы жайлы бейнематериал әзірлеуі тиіс. Материалдар қазақ тілінде қабылданады.  Грант иегерлерін (екі жеңімпаз) «Қазақстан» телерадиокорпорациясының қызметкерлерінен құралған арнайы комиссия анықтайды.  Стипендия әр жеңімпазға 2021-2022 оқу жылына беріледі. Жұмыстар 2021 жылғы 28 маусым – 28 тамыз аралығында baiqau@qazaqstan.tv электронды поштасы арқылы қабылданады. Қосымша сұрақтар бойынша байланыс телефоны: +7 (717) 2 75 70 61.