Бүгін Португалия құрамасы Еуропа чемпионаты топтық кезеңінің екінші турында Германия құрамасына есе жіберді. Ойын Мюнхендегі "Альянц Арена" стадионында өтті.
Кездесу 2:4 есебімен Германия командасының пайдасына аяқталды. Бұл Еуро-2020 ойындарындағы ең нәтижелі матч.
15-минутта есепті Португалия капитаны Криштиану Роналду ашты. Содан кейін 35 және 39-минуттарда португалдықтар Рубен Диас пен Рафаэль Геррейро өз қақпаларына гол соғып алды. Екінші таймда Кай Гавертц пен Роберт Госенс мергендік танытты. 67-минутта Диого Джота есеп айырмасын қысқартты.
Осы жеңістің арқасында немістер F тобында екінші орынға ие болып, Португалия құрамасы үшінші орынға түсіп қалды. Топтың көшбасшысы - Франция құрамасы.
