Шарын шатқалында фотоға түспек болған ер адам суға ағып кетті

Төтенше жағдайлар министрлігінің мәліметінше, ер адам фотоға түспек болғанда аяғы тайып, суға құлап кеткен.

Оны іздестіру үшін оқиға орнына жеке құрамнан 15 адам және 4 техника жіберілген. Кейін жеке құрамнан тағы 8 адам, бір кинологиялық есеп және тікұшақ жұмылдырылды.

«1 шілде күні сағат 11.15-те 112 пультіне Алматы облысы Кеген ауданында Шарын өзеніне 1984 жылы туған ер адам құлап, ағыс алып кеткені туралы хабарлама келіп түсті. Оны іздестіру үшін оқиға орнына құтқарушылар сағат 12.05-те жолға шықты», – деді ТЖМ өкілі.

Оқиғаның мән-жайы анықталып жатыр.

Біз бұған дейін Шарын шалқалындағы селден аман қалған қыз туралы жазған болатынбыз.

 

Aikyn.kz | Бүгінгі жаңалықтар. Әлем және Қазақстан жаңалықтары.