Полиция Сағызда жүріп бара жатқан пойызды тоқтатқан жастарға айыппұл салды – видео
![Полиция Сағызда жүріп бара жатқан пойызды тоқтатқан жастарға айыппұл салды – видео]()
Фото: azh.kz
Оқиға 4 шілде күні Атырау облысы Қызылқоға ауданы Сағыз станциясында болған, – деп жазады «Ақ Жайық».
Сағыз ауылдық округі желілік полиция бөлімінің бастығы Болатбек Іңірбайдың айтуынша, жергілікті жастар әскерден оралған досын қарсы алған.
«Жастар – аудан орталығының, совхоздар мен 3-ауылдың тұрғындары. Пойыз станцияда тоқтайды. Бірақ жастардың пойыздың тоқтағанын күтуге шыдамы жетпеген», – дейді Болатбек Іңірбай.
Сондықтан Сағыз ауылының екі тұрғыны әкімшілік жауапқа тартылды. Олар – вагон баспалдағына жармасып шыққан 18-19 жастағы жігіттер.
Хаттама толтырылып, ҚР ӘҚБтК-нің 560-бабы («Темiржол көлiгi құралдарын пайдалану қағидаларын бұзу») бойынша 5 АЕК (14 585 теңге) айыппұл салынды.
https://youtu.be/mFPZfED4Aco
