Бүгін түнде астана әуежайында Витебскіде өткен «Славян базары» халықаралық байқауының бас жүлдесін иеленген Рухия Байдүкенованы көпшілік күтіп алды.
Әнші «Славян базарында» Гран-при иегері атанып, «Алтын лирамен» бірге 20 мың АҚШ долларына ие болды.«Қазақ халқына алғыс айтамын. Елдің махаббатын сезіну – мен үшін бақыт. Маған көрсетілген ерекше құрмет. Жеңісімді халқыммен бірге тойлағым келеді. Бала күнгі арманыма қол жеткіздім», – деді Рухия Байдүкенова.
Бұған дейін Президент Рухия Байдүкенованы жеңісімен құттықтаған болатын.