Ш. есімді азамат бұдан бұрын ұрлық жасағаны үшін сотталған. Бұл жолы ол тонау «тәсілін» өзгерткен.
Медеу аудандық полиция басқармасының басшысы Дәурен Өтебаев: «Өзін полицей ретінде таныстырып, жолаушыларды тонаған. Алаяқ ұсталды. Одан полиция формасы тәркіленді. Форманы базардан сатып алған. Ш. есімді азаматтың әрекеті ҚК 191-бабының 3-тармағы бойынша тексеріліп жатыр. Күдікті Алматы аумағында және Алматы облысының шекаралас аудандарында жасалған басқа да ашылмаған қылмыстарға қатысы бар-жоғы тексерілуде», – деді.
Осыған дейін күдіктінің бес қылмысқа қатысы бары анықталды.
