Алматы қаласы Полиция департаменті Медеу ауданында заңсыз ағаш кесу дерегіне қатысты қылмыстық іс қозғады.
Таяуда жергілікті экобелсенділер ішінде Қызыл кітапқа кірген түрлері болуы мүмкін 300 түп ағаштың кесілгені туралы шу көтерген болатын. Соның арқасында бұл дерек халыққа жария болып, қалалық Жасыл экономика басқармасының назарын аударды. Ведомство осыған орай шабылған ағаштардың түрлері мен құндылығын анықтау мақсатында сараптама тағайындады. Сондай-ақ Алматы қаласы Полиция департаменті Медеу ауданындағы ағаштар мен бұталарды заңсыз ағаш кесу, жою және зақымдау дерегіне қатысты Қылмыстық кодекстің 340-бабы бойынша қылмыстық іс қозғады. Тағайындалған сараптама бойынша тиісті процессуалдық шешім қабылданбақ.Нұрлан ОРАЗҒАЛИЕВ