Полиция мәліметінше, күдіктілер есірткіні орманға жасырған. Есірткі сатқан 20 және 21 жастағы екі ер адам Орал тұрғыны екені белгілі болды.
БҚО Полиция департаментінің бастығы Махсудхан Әбілазимов: «Орман мен күдіктілердің тұрғылықты жерін тінту кезінде бір келіден аса ұнтақ тәрізді препараттар мен 55 амфетамин таблеткалары, сондай-ақ, 500 грамға жуық шөп тектес препараттар тәркіленді. 4300 данадан аса синтетикалық есірткінің таралуына жол бермедік», – деді.
Департаменттің мәліметінше, жыл басынан бері аймақта есірткі бизнесіне қатысты 66 қылмыс анықталды.