Бұл туралы Жамбыл облыстық Полиция департаменті хабарлады.
«Бүгін сағат 06:00 шамасында Алматы-Ташкент тас жолының 476-шы шақырымында Байзақ ауданы аумағында Audi A4 және Toyota Camry автокөліктері соқтығысты. Жол апаты кезінде алған ауыр жарақатынан алты адам оқиға орнында көз жұмды. Toyota Camry көлігінің екі жолаушысы түрлі дене жарақатымен ауруханаға жеткізілді» делінген департаменттің хабарламасында.
Оқиғаның мән-жайын анықтау үшін сотқа дейінгі тергеу басталды. Қажетті сараптамалар тағайындалды.
https://youtu.be/MfpdLRnYUQc
