Қазақстан боксшысы Тимур Нұрсейітов 75 келіге дейінгі салмақ дәрежесінде бокстан әлем чемпионатының финалында ресейлік Алексей Семыкинмен жұдырықтасты.
Жекпе-жекте төрешілердің шешімімен Нұрсейітов жеңіске жетті. Жекпе-жектің ең қызық сәттерінен видео жарияланды.
Осылайша, Тимур Нұрсейітов турнирде Қазақстанға екінші алтын медальды әкелді, – деп жазады Sports.kz. Теміртас Жүсіпов (49 кг.) жарыста алғашқы чемпион атанды. Сондай-ақ бастапқыда "алтынды" Дамир Әбдіқадыр (52 кг.) жеңіп алған еді, бірақ кейін комиссия Дмитрий Двалимен болған жекпе-жектің шешімін қайта қарап, ресейлік боксшының пайдасына шешті.
