Жыл сайын теміржолда 50-ден астам адамды пойыз басып кетеді. Көпшілігі теміржолдың рұқсат етілмеген тұсынан өтеді.
«ҚТЖ» ҰК» АҚ магистральдық желі дирекциясы директорының орынбасары Бақытбек Алдажаровтың айтуынша, сағатына 60-80 шақырым жылдамдықпен жүретін 6 мың тонналық пойызды бірден тоқтату мүмкін емес. Мәселен, салмағы 200 тоннадан асатын локомотивке 600-800 метрлік тежеу жолы қажет.
Зардап шеккен әрбір бесінші адам ішімдік ішкен. 14% – суицид, 3% – құлаққаппен музыка тыңдаған. Әсіресе, жасөспірімдер әлеуметтік желіде жариялау үшін селфи мен видео түсіру кезінде жарақат алады.