Еңбек және халықты әлеуметтік қорғау министрлігінің мәліметінше, орта есеппен 443,5 мың отбасы жәрдемақы алған. Оның ішінде, қыркүйек айында жәрдемақыны 415,3 мың отбасы алды. Жалпы сомасы – 21,8 млрд теңге.
Жәрдемақыны 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан алады.
Төлем мөлшері балалардың санына қарай төленеді. 2021 жылы 4 балаға – 46 760 теңге, 5 балаға – 58 457 теңге, 6 балаға – 70 154 теңге, 7 балаға – 81 852 теңге, 8 балаға – 93 344 теңге, 9 балаға – 105 012 теңге, 10 балаға – 116 680 теңге, 11 балаға – 128 348 теңге, 12 балаға – 140 016 теңге, 13 балаға – 151 684 теңге, 14 балаға – 163 352 теңге, 15 балаға – 175 020 теңге, 16 балаға 186 688 теңге төленеді. Әр балаға 11 668 теңге жәрдемақы береді.
