Белградта өтіп жатқан бокстан әлем чемпионатында 51 келідегі Сәкен Бибосынов өзбекстандық Рио Олимпиадасының чемпионы Хасанбой Дусматовпен кездесті.
Бірінші раундта қазақстандық боксшы жеңіске жетсе, екінші раунд Рио-2016 Олимпиадасының чемпионы Хасанбойдың еншісіне кетті.
Шешуші, үшінші раундты Сәкен алды. Төрешілер жеңісті Бибосыновқа берді.
Осылайша, Сәкен Бибосынов 1/8 финалға шықты. Сондай-ақ бүгін Нұрқанат Райс 75 келіге дейінгі салмақта 1/32 финалда черногориялық Стефан Савковичпен жұдырықтасады.
