Ақмола облысы Аршалы ауданы бойынша «Nur Otan» партиясының сайлауалды бағдарламасын жүзеге асырудың Жол картасында 118 іс-шара белгіленген болса, бүгінде оның 22-сі орындалды, бұл барлық іс-шараның 18,6 %-ы. Оның екеуі, тіпті мерзімінен бұрын орындалған. Бұған партиялық бақылаудың арқасында қол жеткізілді деп ауыз толтырып айтуға болады.
уыл шаруашылығы саласында жүзеге асырылған жобаларға тоқталатын болсақ, ауданда мал шаруашылығын дамыту аясында 3 жоба іске асқан. Нәтижесінде, «Сартай-Агро» серіктестігінің 100 басқа арналған сүтті фермасы ашылды. Ал Жалтыркөл ауылында жылына 6 мың тонна құс етін өңдейтін «Ақ-Дала Агро» серіктестігінің құс фабрикасы іске қосылды. Жоба құны 11 млрд теңге. Жол картасы аясында жүзеге асырылған жоба 150 жаңа жұмыс орнының ашылуына себеп болды. Италиялық Officine Facco компаниясы шығарған 6 құс ғимараты бүгінде пайдалануға берілді. Дайын өнім елордамыз Нұр-Сұлтан қаласы мен Қарағанды, Ақмола облыстарына және жақын-алыс шетелге шығарылады деп жоспарланған. Аграрлы өңір болғандықтан, өнім сапасын арттыруға, егістік алқабын күтіп ұстап, өнімділікті арттыруға мән беріледі. Сондықтан биыл 3 репродукциядан төмен емес тұқыммен себу алаңын ұлғайту деңгейі 82%-ға жеткізілді. Минералды тыңайтқыштарды қолдану пайызы да артып келеді. Мәселен, биыл минералды тыңайтқыштар 23 мың гектар жерге сіңірілген. Ал өсімдіктерді қорғау құралдары 100%, яғни 171 560 гектар жерде қолданылды. Жалпы, «Nur Otan» партиясының сайлауалды бағдарламасын жүзеге асырудың Ақмола облыстық Жол картасы осы жылдың 9 айының қорытындысы бойынша 40%-ға орындалды. Жуырда Жол картасы аясында Аршалы ауданының орталығында 88 адамға шақталған денешынықтыру-сауықтыру кешені іске қосылды. Заманауи талапқа сай салынған кешенде әмбебап спорт залы, киінетін, жуынатын кабинеттер, сондай-ақ тренажер залы бар. Кешен Елбасының саламатты өмір салтын қалыптастыру, тұрғындардың спортпен барынша көбірек айналысуы жөніндегі тапсырмасына сәйкес қызмет ететін болады. Заманауи күштік дайындық залында жаңа тренажерлер орналастырылған. Күрес және ойын залдары да талапқа сай жасақталған. Қазір мұнда қазақ күресімен айналысатын спортшылар дайындығы мен жарыстарын өткізеді. Жуырда ғана ұзындығы 25 метр, ені 8,5 метр болатын бассейн іске қосылды.Би-Барыс КӨКШЕ