Алматы облысының полициясы Пенжімдегі дүрбелеңнен кейін қылмыстық істер тергеліп жатқанын хабарлады. Полиция департаментінің деректеріне сай Қылмыстық кодекстің «Бұзақылық» және «Денсаулыққа қасақана ауыр зиян келтіру» баптары бойынша іс қозғалған.
«Оқиғаның барлық мән-жайын анықтау үшін жедел тергеу тобы құрылды. Қылмыстық істің барлық қатысушылары анықталды. Тергеу барысында тиісті сараптамалар тағайындалды, істі дұрыс шешу үшін мән-жайды зерттеудің жан-жақтылығына, толықтығы мен объективтілігіне бағытталған жедел тергеу іс-шарасы жалғасып жатыр. ҚР ҚІЖК 201-бабына сәйкес, өзге ақпарат жариялауға жатпайды, – деп толықтырды ведомстводан. 27 қазанда Пенжімде 9-10-сынып оқушылары арасында төбелес болып, соңы жаппай тәртіпсіздікке ұласқан болатын. 16 жастағы жасөспірім зардап шегіп, бірқатар жеке үйдің терезесі сынды.Мадияр ТӨЛЕУ