Бокстан Сербияның Белград қаласында өтіп жатқан әлем чемпионатының финалдық бәсекесінде қазақстандық боксшы Сәкен Бибосыновтың қарсыласы анықталды.
Финалда 51 келіге дейінгі салмақта Бибосынов ресейлік Ахтем Закировты 5:0 есебімен жеңген америкалық Роско Хиллмен күш сынасады.
Сәкен Бибосынов жартылай финалда таиландтық Танарат Саенгфетті жеңді - 4:1. Сондай-ақ, турнир барысында 2020 жылғы Олимпиаданың қола жүлдегері өзбекстандық Хасанбой Дусматовты (5:0), үндістандық Дипакты (5:0) және колумбиялық боксшы Хуберчен Мартинесті (5:0) жеңді.
