Сырғасы жоғалған тұрғын полицияға шағымданды. Қарағанды қаласының ПБ Оңтүстік-Шығыс полиция бөліміне 51 жастағы қала тұрғыны арызданған.
Жәбірленуші моншаға барып, үйіне келгенде алтын сырғасының жоғалғанын білген. Келтірілген шығын көлемі – 120 мың теңге. Жедел іздестіру нәтижесінде, полицейлер ұрлық жасады деген күдікпен моншада жұмыс істейтін 61 жастағы әйелді ұстады.
Күдікті қылмысын мойындады. Айғақ зат алынды. Қылмыстық кодекстің 188-бабы (Ұрлық) бойынша қылмыстық іс қозғалды. Тергеу жүргізіліп жатыр.
