Қарағанды тұрғыны тұрғын үй кешендерінің бірінде лифтіні қиратқан. Қарағанды облысы ПД баспасөз қызметі құқық бұзушының кім екені анықталғанын айтты.
"15 қарашада Қарағанды қаласының оңтүстік-шығыс полиция бөліміне қаладағы тұрғын үй кешендерінің бірінде белгісіз біреу лифт есігін зақымдағаны туралы хабарлама келіп түсті. Полиция жасағы ұсақ бұзақылық дерегін тіркеді. Жедел іздестіру шаралары нәтижесінде анықталған бұзақы 29 жастағы қала тұрғыны болып шықты", – деді ведомство өкілі.
Құқық бұзушыға қатысты Әкімшілік құқықбұзушылық туралы кодекстің 434-бабы "Ұсақ бұзақылық" бойынша әкімшілік іс қозғалған.
