Бүгін әуе қатынасы тоқтады, Египетте қалған туристер елге қашан жеткізіледі?
Бүгін әуе қатынасы тоқтады, Египетте қалған туристер елге қашан жеткізіледі?
Фото: yandex.kz

Жаңа Omicron штамы Қазақстанда таралмауы үшін ведомствоаралық комиссияның шешіміне сәйкес, 2021 жылдың 3 желтоқсанынан бастап Египетке әуе қатынасы тоқтатылды. Бұл туралы Индустия және инфрақұрылымдық даму министрлігі хабарлады.

Қазақстан мен Египет арасындағы әуе рейстерін Нұр-Сұлтан, Алматы, Шымкент, Қостанай және Ақтөбе қалаларынан Шарм-Эль-Шейх қаласына Air Astana және SCAT әуе компаниялары орындап келді. Әуе компанияларының ақпараты бойынша бүгінгі таңда Египетте 2800-ге жуық Қазақстан азаматы бар. Олар 2021 жылғы желтоқсанның 3-10 аралығында аталған әуе компанияларының рейсімен елге жеткізіледі.
Бас санитар дәрігердің биыл 30 қарашадағы №51 қаулысына сәйкес, Египеттен келген жолаушылар COVID-19-ға қарсы вакцина алғанына қарамастан, 72 сағаттан аспаған ПТР тест тапсырып, анықтама көрсетуі тиіс.
Сондай-ақ, вакцина алған және тиісті анықтамасы бар болса да, 7 күнге оқшаулануы керек.

Рейстердің орындалатын күндері туралы толық ақпарат алу үшін жолаушылар турды немесе әуе билетін сатып алған мекемеге хабарласуы қажет.