Орта салмақта WBO чемпионы америкалық Деметриус Андраде (31-0, 19 KO) титулдан бас тартып, басқа дивизионға өтуі мүмкін. Бұл туралы оның промоутері Эдди Хирн мәлімдеді, – деп хабарлайды Vesti.kz сайты.
Оның айтуынша, бұған дейін WBO тұжырымы бойынша Андраде титулына ресми үміткер ретінде тағайындалған қазақстандық Жәнібек Әлімханұлымен жекпе-жектің санкциялануы себеп болды. Алайда чемпионның командасы бұл шешімге қарсы болып отыр.
"Бұл - қызық. Біз чемпиондар арасында айқас ұйымдастыру туралы WBC ұйымына сұраныс жібердік. Ал бір күннен кейін WBO мен ешқашан атын естімеген жігітті (Жәнібек Әлімханұлы) міндетті қарсылас етіп отыр.
WBO чемпионмен айқасты ұйымдастыра алмайды, бірақ не рұқсат бере алады, не бас тарта алады. Олар біздің WBC ұйымына хат жазғанымызды біледі. 48 сағаттан кейін бізге жекпе-жек белгілеп тұр. Бұл жекпе-жек кімге керек?
Андраде жоғары салмаққа өтіп, бірден титулға үміткер болатын ережені пайдаланатын шығар. Әйтеуір бірдеңе істеу керек, өйткені үміткермен жұдырықтасқымыз келмейді", – деп берді Хирннің сөзін Boxingnews24.com.
