Шығыс Қазақстан облысында республикалық маңызы бар жол жабылды.
Төтенше жағдайлар департаментінің мәліметінше, өңірде бораннан жол көрінбейді. Сондықтан республикалық маңызы бар «Омбы-Майқапшағай» тасжолының 756-906 шақырымында (Семей қаласы мен Жарма ауданы Қалбатау ауылының аралығы) көліктің барлық түрі үшін қозғалыс шектелді. Бұған дейін «Семей-Курчатов» тасжолының 4-130 шақырымы және «Семей-Қарауыл» тасжолының 4-182 шақырымы жабылған еді.