Алматыда тұтқындалған жекпе-жек шебері Қуат Хамитов спорттағы мансабын аяқтағанын Instagram-дағы парақшасында жазды.
Ол тұтқындалған кезде жапа шеккенін айта келе спортта мансабын аяқтағанын айтты.
«Әлі де болса бес жылдай шаршы алаңда мықтылығымды көрсетіп, дәлелдеймін деп ойлаушы едім. Алайда спорттық мансабымды аяқтауды жөн деп ұйғардым. Бұл жайтқа құқық қорғау органдары қызметкерлерінің қатысы жоқ. Ресми түрде спорттық мансабымды аяқтадым. Өмірімнің жаңа кезеңін бастаймын», – деді Қуат Хамитов.
