Алматы қаласы комендатурасының ақпараттық орталығының мәліметінше, бүлік, тонауға қатысы бар деген күдікке ілінген 2601 адам ұсталды.
Арнайы операция барысында Алматыда лаңкестік, тонау және басқа да қылмыстарға қатысты 2 601 адам ұсталды. 127 қару мен 4 077 оқ-дәрі тәркіленді.
Алматы қаласы комендатурасының ресми өкілі Салтанат Әзірбек: «Өткен тәулікте 102 пультіне 329 хабарлама келіп түсті. Комендатураның Call-орталығына азаматтардан жедел әрекет етуді талап ететін 48 дабыл қабылданды. Барлық хабарлама дер кезінде өңделді», – дейді.
