Футболдан Иран құрамасы Катарда өтетін әлем чемпионатына жолдама алды.
Азия іріктеу аймағында Иран мен Ирак үшінші кезең аясында кездесіп, парсы құрамасы 1:0 есебімен жеңіске жетті. Ойындағы жалғыз голды 48 минутта Мехди Тареми соқты. Ал ирандықтардың басты жұлдызы Сердар Азмунды «Зениттің» бапкерлік штабы жібермегенін айта кеткен жөн.
А тобында 19 ұпай еншілеген Иран квалификациялық турнирде екінші орыннан төмен түспейді. Осының арқасында Драган Скошич футболшылары Катардағы футбол тойына тікелей жолдама алып отыр. Ал Ирак болса 4 ұпаймен 5 орынға жайғасты.
Тағы бір айта кететін жайт, Иранда араға үш жыл салып стадионға әйелдерді қайта кіргізуге рұқсат берілді.
