Президент қаңтарда берген 140 тапсырманың 44-ін орындадық – министр

Президент қаңтарда берген 140 тапсырманың 44-ін орындадық – министр
Фото: sputniknews-uz.com

Бүгін Үкімет отырысы өтіп жатыр. Ел тұрмысын түзеу үшін Мемлекет басшысы қаңтар айында 140 тапсырма берді.

Ұлттық экономика министрі Әлібек Қуантыровтың айтуынша, осы кезге дейін 44 тапсырма орындалды.

«Әлеуметтік-экономикалық және қоғамдық саяси жағдайды тұрақтандыру үшін қаңтарда Мемлекет басшысы жедел және жүйелі жүзеге асыруға 140 тапсырма берді. Бүгінгі таңда 44 тапсырма орындалды, 32 тапсырманы аяқтауға таяп қалдық», – деді Әлібек Қуантыров.

Ұлттық экономика министрлігі халықтың табысын арттыру бағдарламасы мен инфляцияны бақылау және төмендетудің қамын жасауы тиіс.

Сондай-ақ шағын бизнесті қолдап, қорғап, дамыту үшін «Атамекенді» реформалап, «Қарапайым заттар экономикасының» тиімділігін талдап, майнингке салықты бірнеше есе арттыру міндеті де тұр.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.