Алматы халықаралық әуежайы баспасөз қызметінің хабарлауынша, жолаушылар Атырауға қарай ұшып шығып, Алматыға түнде келеді.
«Қазақстандықтар отырған ұшақ Катовице қаласының уақыты бойынша сағат 10:30-да Атырауға қарай ұшып шығады. Алматыға түнгі сағат 00:30-да келеді деп күтілуде. БАҚ өкілдері үшін баспасөз мәслихаты ұйымдастырылады» делінген ресми хабарламада.Екінші рейс 1 наурызға жоспарланып отыр. Бүгін Украинадағы Қазақстан азаматтарын әкелуге бірінші рейс Атыраудан Катовице қаласына (Польша) Нұр-Сұлтан уақыты бойынша сағат 09:53-те ұшып кетті. Әуе кемесінің типі – А321, 179 жолаушыға арналған.
Бұған дейін Air Astana президенті Қазақстан азаматтарын эвакуациялаймын деп Киевтен қайта алмай отырғанын жазған болатынбыз.