"Қазгидромет" синоптиктері бірнеше өңірде дауылды ескерту жариялады.
Қарағанды облысының батысында, оңтүстігінде, шығысында солтүстік-шығыстан және шығыстан жел соғады. Жел екпіні секундына 15-20 метрге жетеді. Жезқазғанға солтүстік-шығыстан, шығыстан жел соғады. Күндіз жел екпіні секундына 18 метр болады.
Батыс Қазақстан облысының оңтүстігінде көктайғақ болады. Оңтүстік-батыста тұман. Күндіз облыстың солтүстігінде, шығысында төмен қарлы боран соғады. Солтүстік-шығыста, шығыста жел соғады. Күндіз солтүстікте, облыстың солтүстік-шығысында жел екпіні секундына 15-20 метрге жетеді.
Түнде және таңертең оңтүстікте, Түркістан облысының таулы және тау бөктеріндегі аймақтарында қатты жауын-шашын (жаңбыр, қар) болуы мүмкін. Таулы және тау етегіндегі аудандарда тұман, найзағай болады.
Шымкентте 18 наурызда түнде және таңертең қатты жауын-шашын (жаңбыр, қар) болады. 17 наурызда кей жерлерде найзағай ойнайды. Оңтүстік-шығыстан соғатын жел солтүстік-батысқа ауысады, оның екпіні секундына 15-20 метр. Түркістанда оңтүстік-шығыстан жел соғады. Солтүстік-батыстан екпіні секундына 15-20 метрге жететін жел соғады.
Қызылорда облысының басым бөлігінде жауын-шашын (жаңбыр, қар) болады. Облыс орталығында және солтүстігінде көктайғақ болуы мүмкін. Солтүстік-шығыстан, орталықта солтүстіктен, облыстың солтүстігінде жел екпіні 15-20 метр жел соғады. Қызылордада солтүстік-шығыстан соғатын жел екпіні секундына 9-14 метрге, тіпті 15-20 метрге жетеді.
Оңтүстікте, Ақтөбе облысының орталығында баяу бұрқасын болады. Шығыстан, солтүстік-шығыстан соғатын жел екпіні секундына 15-20 метр болады. Ақтөбеде шығыс, солтүстік-шығыстан жел соғады. Түнде жел екпіні 16 метрге жетеді.
