Танымал журналист, медиаменеджер Батыр Қазыбаев өмірден өтті
Танымал журналист, медиаменеджер Батыр Қазыбаев өмірден өтті
Фото: tengrinews.kz
Белгілі медиаменеджер Батыр Қазыбаев қайтыс болды. Батыр Қазыбаевтың өмірден өткенін  Ақпарат және қоғамдық даму министрі Асқар Умаров жеткізді. «Бүгін отандық медиа саласы ауыр қайырға ұшырады. Ұзаққа созылған сырқаттан мықты медиаменеджер, кәсіби журналист, әріптесіміз Батыр Қазыбаев дүниеден өтті. Ірі медиажобаларды жүзеге асырған, отандық журналистикада өзіндік қолтаңбасы қалған, мектеп қалыптастырған әріптесіміз біраздан бері сырқат еді. Жақындарына, «Алаш медиа» ұжымына және журналист қауымына қайғырып көңіл айтамын. Иманы жолдас болсын. Батырдың жарқын бейнесі біздің жадымызда сақталады», – деп жазды министр Facebook парақшасында. Батыр Қазыбаев Tengrinews.kz, Vesti.kz, Massaget.kz, «Жұлдыз FM», «Ретро FM Казахстан» радиостанциясы, СТВ, «Жетінші арна» телеарнасының негізін қалаған. Aikyn.kz  Батыр Қазыбаевтың отбасы мен жақындарының қайғысына ортақтасып көңіл айтады.