Наурыз мерекесі қарсаңында тараздық мұғалім Жириновскийдің партиясының атынан сыйлықтар таратқан. Бұл туралы Экспресс-К сайты хабарлады.
Оқиға Тараздағы № 13 мектепте болған екен. Мерекеге орай ұстаз сыныптағы оқушыларға Владимир Жириновскийдің суреті бар дәптерлер мен Ресейдің “ЛДПР” партиясының аты жазылған ертегілер кітабын сыйлаған.
Сондай-ақ, балаларға саяси партияның құттықтауы жазылған тәттілер де ұсынылған екен. Ата-аналар мұғалімнің бұл әрекетін түсінбей отыр.
– Сыйлықтың суретін ағам түсіріп жіберді. Алғашында біз мән берген жоқпыз. Енді неге дәл осындай сыйлықтар берілгенін білгіміз келеді, – дейді Ақбота есімді Тараздың тұрғыны.
