Қазақстанда зейнетақы мен жәрдемақыны инфляцияға сай индекстеу үшін қазынадан қосымша 111 миллиард теңге бөлінеді. Бұл туралы Премьер-министрдің орынбасары Ералы Тоғжанов айтты.
«Халықты әлеуметтік қамсыздандыруға 4 триллион теңге қарастырылған. Былтырмен салыстырғанда 230 миллиард теңгеге көп. Республикалық бюджеттік комиссия Үкіметпен бірлесіп, өте маңызды шешім қабылдады. Инфляция дәлізінің 8-10% деңгейінде өзгеруіне байланысты зейнетақы мен жәрдемақы мөлшері тағы 4 пайыз индекстеледі. Барлық әлеуметтік төлемдер өткен жылмен салыстырғанда 9 пайыз, ал ынтымақты зейнетақы мөлшері 11 пайызға артады», – деді Ералы Тоғжанов.
Осы мақсатқа бюджеттен қосымша 111 миллиард теңге қарастырылды.
