Түркістан облысында полицейлер өзбекстандық автобус жүргізушісін жауапқа тартты.
Рейд кезінде «Алматы-Ташкент-Термез» тасжолының 749-775 шақырым аралығында YUTONG қоғамдық автокөлігін тоқтатады.
Тексеру барысында автобустың ішіндегі жолаушы саны артық екені анықталды. Автобус 36 орынға арналғанымен, ішінде 52 жолаушы отырғызылған.
Сондай-ақ көлік Сарыағаш ауданынан Алматы қаласына қарай бет алған. Әкімшілік құқықбұзушылық жасаған автобус жүргізушісі, Өзбекстан азаматына қатысты ҚР ӘҚБтК 590-бабы 5-бөлігі және 7-бөлігімен екі хаттама толтырылды. Одан бөлек 593-бабы 1-бөлігімен тағы бір хаттама жасалды. Қоғамдық автокөлік айыптұраққа қойылды.
Осыған дейін Түркістан облысында автобус аударылып, үш адам қаза тапқанын хабарлаған болатынбыз.
