Бас санитар дәрігер коронавирусқа қарсы қайта вакциналауға рұқсат беретін қаулы шығарды. Ол 2022 жылғы 13 қаңтардағы №2 қаулыға өзгеріс енгізді.
«КВИ-ге қарсы, оның ішінде, Дүниежүзілік денсаулық сақтау ұйымы мақұлдаған вакциналармен вакцинациялаудың толық курсын қайта жүргізуге болады. КВИ-ге қарсы вакцинациялаудың толық курсын қайта жүргізуге егілетін адамның немесе оның заңды өкілдерінің профилактикалық егулердің қайталама курсын жүргізуге ерікті түрде хабардар етілген келісімін алғаннан кейін ғана осы алгоритмге 1-қосымшаға сәйкес іске асырылады» делінген ресми құжатта.Қаулының толық мәтінін мына сілтемеден оқуға болады.