Алматы облысы Қарасай ауданында бір топ адам көшеде көкпар тартқан. Бұл туралы Алматы облыстық Полиция департаменті хабарлады.
«15 мамыр күні Қаскелең қаласында көкпар ұйымдастырылған. Іс-шара жергілікті әкімдіктің келісімінсіз болған. Көкпаршылардың қаладағы бірнеше көше бойында жүргені бейнебақылау камерасына түсіп қалған. Аталған факті Қарасай аудандық полициясында тіркелді. Полицияға 34 жастағы тұрғын арызданды. Оның көлігін көкпаршылар бүлдірген» делінген ресми хабарламада.
