Ауласында көкнәрді күтіп-баптап өсірген егде жастағы әйел ұсталды

Ауласында көкнәрді күтіп-баптап өсірген егде жастағы әйел ұсталды 1
Фото: polisia.kz

Түркістан облысында егде жастағы әйел ауласына көкнәр өсірген, – деп жазады Polisia.kz.

Түркістан облысы Полиция департаментінің бастығы Мұрат Қабденов Келес ауданы тұрғындарының түйткілді мәселесіне назар аударып, жауап берді.

ПД полицейлерден жедел топ құрып, Келес ауданына іссапарға барды. Полицейлер жан-жақты тексеру жүргізді.

Нәтижесінде, полицейлер Келес тұрғынының өз үйінде көкнәр өсірумен айналысатынын анықтады.

Аталған жайтты полицейлер ҚР ҚК-нің 300-бабымен СДТБТ-ға тіркеді.

Егде жастағы әйелдің ауласын тінту кезінде көкнәр өсіргені анықталды. Айғақты зат ретінде күдіктіден 900-ге жуық түп өсімдікті тәркілеп, оларды сараптамаға жіберді.

Жетеуі көкнәр, ал қалғаны көкнәр өсімдігінің көшеті болып шықты. Жергілікті тұрғынға қатысты заңсыз есірткі егіп, өсіру дерегі бойынша сотқа дейінгі тергеу жүргізіліп жатыр.

Aikyn.kz | Бүгінгі жаңалықтар. Әлем және Қазақстан жаңалықтары.