Атырауда көпірден сүйек қалдықтарын лақтырған ер адам видеоға түсіп қалды

Атырауда көпірден сүйек қалдықтарын лақтырған ер адам видеоға түсіп қалды 1

Көпірден сүйек қалдықтарын лақтырған атыраулық бейнекамераға түсіп қалды, – деп хабарлайды Polisia.kz.

Атырауда 15 мамыр күні сағат 21:00-де қаладағы Мечников көпірінде ер адам көлігінен түсіп, қара түсті қоқыс салатын қапты суға лақтырып жіберген. Бұл әрекеті Атырау қаласы Полиция басқармасының Жедел басқару орталығының бейнебақылау камерасына түсіп қалды.

"Тәртіп сақшылары аталған азаматты дереу анықтап, оған қатысты ҚР ӘҚБтК-нің 434-2-бабы 1-бөлімімен "Ортақ пайдаланылатын орындарды ластау" әкімшілік хаттама толтырды. 1977 жылғы ер адам қара түсті қоқыс салатын қапқа садақадан шыққан сүйек қалдықтарын салғанын айтты", - дейді Атырау ПБ баспасөз қызметіндегілер.

Қала тұрғынына 15 315 теңге көлемінде айыппұл салынды.

Aikyn.kz | Бүгінгі жаңалықтар. Әлем және Қазақстан жаңалықтары.