Қазақстанда банк қосымшасына пәтердегі тұрғындарды тіркеуден шығару қызметі енгізіліп жатыр. Бұл туралы Ішкі істер министрлігінің өкілі Шұғыла Тұрлыбек айтты, – деп жазады inform.kz. «Баспанада тіркелген адам санын Halyk Homebank қосымшасы арқылы тексеруге болады. Енді сол қосымшада пәтердегі тұрғындарды тіркеуден шығару мүмкіндігі де қарастырылады. Жаңа функция «Тіркеуден шығару» бөлімінде іске қосылады», – деді Шұғыла Тұрлыбек. Бұған дейін кәсіпкерлерге ыңғайлы болу үшін жаңа мобильді қосымша іске қосылғанын хабарлаған болатынбыз.