Тірнектеп жинағанымның түгі қалмады - Нұрлан Албанның үйі өртеніп кетті
Тірнектеп жинағанымның түгі қалмады - Нұрлан Албанның үйі өртеніп кетті
Белгілі әнші Нұрлан Албан әлеуметтік желідегі парақшасында шаңырағында орын алған жайсыз хабармен бөлісті. Әншінің жазғы үйінен өрт шығып, ондағы дүние-мүлкінің түгі қалмай өртеніп кеткен. Болған жайтты өнер иесі Instagram-да бейнежазба арқылы баяндады. Абырой болғанда, зардап шеккен ешкім жоқ. Тек әншінің қаншама жыл бойы жинаған музыкалық аспаптары мен жабдықтарының бәрі жанып кеткен.
"Қазіргі менің жағдайым осындай. Өнер сапына келгеннен бастап тірнектеп жинаған бүкіл аспаптарым, музыкалық құрылғыларым, жабдықтарым осылай өртеніп кетті. Құрметті бауырлар, қазір күн өте ыстық. Өрттен абай болыңыздар! Жалпы қауіп-қатердің қайдан келетінін білмейміз ғой. Осыдан бір-екі жыл бұрын студиямды жапқан кезде сол студияма ән әлеміне байланысты тірнектеп жинаған музыкалық құрылғыларым осы жазғы үйде болған. Өрт шықты. Міне, түгі қалған жоқ. Ең бастысы, бала-шағам, туған-туыстарым, бауырларым, ел-жұртым аман болса болды. Бас аман болсыншы, одан басқа ештеңенің қажеті жоқ", – деп бөлісті Албан.