«Оқитын оқушы жоқ» – Қостанай облысында 13 мектеп жабылады

«Оқитын оқушы жоқ» – Қостанай облысында 13 мектеп жабылады
Фото: news.myseldon.com

Тобыл өңірінде биыл 13 мектеп жабылмақ. Себебі, оқушы жетіспейді, – деп хабарлайды AstanaTV.

Кейбір ауылдағы мектеп есігіне  қаңтарда қара құлып салынған. Өйткені онда жалғыз бала оқыған көрінеді. «Оқушы саны аз мектептер бірден жабылмайды» дейді облыстық білім басқармасының мамандары.

Оқушы саны көбейіп қалар деген үмітпен уақыт беріледі. Алайда ахуал оңалмаса, орта мектеп негізгіге, ал негізгілер бастауыш мектепке айналады. Одан кейін де оқушы  азайса,  мекеме жабылып, қалған балалар  өзге елді мекендегі мектептерге ауыстырылады. Көрші ауылға қатынау үшін арнайы  автобус бар.  Егер елді мекен шалғай  болса, оқушылар  мектеп жанындағы интернаттарда жатып оқуына мүмкіндік бар. Қазір облыс бойынша 20 мектеп-интернат бар.

Қостанай облысы білім басқармасының бөлім басшысы Қарлыға Исмурзина: «Жабылайын деп тұрған 13 бастауыш мектепте 2-3 бала ғана қалайын деп отыр. Себебі, бір мектепте Әулиекөл ауданындағы Целинный мектебін жабу жоспарда болмаған. Бірақ ауылдан  халық кетейін деп отыр. 6 мектептің ішінде бір орта мектеп негізгі мектепке ауыстырылады. 5 негізгі мектеп бастауыш мектепке көшейін деп отыр», – деді.

Aikyn.kz | Бүгінгі жаңалықтар. Әлем және Қазақстан жаңалықтары.