Қостанай облысында жоғалған 5 жасар қыздың денесі табылды
Қостанай облысында жоғалған 5 жасар қыздың денесі табылды
Қостанай облысында жоғалып кеткен 5 жасар қыздың денесі судан табылды, –  деп хабарлады облыстық Полиция департаменті.
Еске сала кетсек, бұған дейін Қостанай облысының ПД іздестіру баланың ерекшеліктерін ескере отырып, тыныштық режимінде жүргізіліп жатқанын хабарлаған болатын. Аумақты тінту бағыты өзгерген. Егер бұрын аумақты зерттеу Тобыл өзенінің бойымен жүргізілсе, енді Тобылдан Жамбыл ауылына қарай бағыт алған еді.
Түнде жылу таратқышы бар арнайы бөлімшелер жұмыс істеді, барлау тактикасы қолданылды. Таңертең төрт бағытта 100 шақырымға дейін созылған іздеу аймағын айналып өту қайта басталды. Еріктілер, жанашыр азаматтар, сондай-ақ Ұлттық ұлан, ШҚ, ҚР ҰҚКД әскери қызметшілері, кинологтар, полицейлер, ТЖД және басқа да құқық қорғау және арнайы органдардың қызметкерлері іздеу жұмыстарын жүргізді. Санаулы минут бұрын қыз баланың денесі табылды. Полиция оның суға батып кеткенін хабарлады. Айта кетейік, 7 тамызда таңғы 05.00-де Қостанай облысы Жамбыл ауылында 5 жасар Мәдина Ерланқызы жоғалып кеткен еді. Алдын ала мәлімет бойынша, қыз бала терезеден шығып, үйден кетіп қалған. Мәдина аутизм дертіне шалдыққан әрі сөйлемейтін бала болған.