Алматыда туған баласын 2 миллион теңгеге сатпақ болған әйел ұсталды

Алматыда туған баласын 2 миллион теңгеге сатпақ болған әйел ұсталды
Фото: ser-per.kz

Алматыда өмірге келгеніне алты-ақ күн болған сәбиді 2 миллион теңгеге сатпақ болған әйел ұсталды, – деп хабарлайды Aikyn.kz.

КТК телеарнасының мәліметінше, 24 жастағы келіншек пен онымен бірге тұратын 21 жастағы жігіт бұл қылмысты бала құрсақта жатқанда жоспарлаған. Алатын адамдар да табыла кеткен. 50-ді алқымдаған ерлі-зайыптылар өткен демалыста келуге келіскен. Сауданы полиция тоқтатты.

Алдымен шақалақтың биологиялық ата-анасын, одан соң сатып алмақ болған жұп пен арадағы делдалдардың қолына кісен салынды. Сондай-ақ ақшаға құжат дайындаймын деп келіскен 56 жастағы әйел де ұсталған.

Жалпы, осы қылмысқа қатысы бар деген 7 адам қазір тергеліп жатыр. Тергеушілер тіпті бұл топтың бала саудасымен жүйелі түрде айналысуы мүмкін деп күдіктенеді.

Алматы қаласы ПД ресми өкілі Салтанат Әзірбек: «Қыдмыстық кодекстің 135-бабы 2-тармағы бойынша қылмыстық іс қозғалды. Ұстау кезінде делдалдардың қолынан тағы кішкентай екі нәресте шықты. Шамамен 7 айлық және 3 айлық, екеуі де қыз бала. «Өзімдікі» деп сезіктінің бірі айтты. Бірақ мұны ресми түрде құжаттармен дәлелдеп бере алмады. Енді олардың осындай қанша қылмыс жасағанын  анықтаймыз», – деді.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.