Қазақстан мобилизациядан қашып келген ресейліктерді еліне қайтара ма?: Ішкі істер министрі жауап берді

мобилизация
Фото: ainews

Қазақстан 21 қыркүйектен бері елге ағылып келіп жатқан ресейліктерді ұстап бермейді. Бұл туралы Орталық коммуникациялар қызметінде өткен брифингте Ішкі істер министрі Марат Ахметжанов айтты, – деп хабарлайды Azattyq Ruhy.

«Біздің Ресеймен заңгерлік көмек көрсету, сотталғандарды айырбастау және қылмыскерлерді экстрадициялау бойынша келісімшарттық қарым-қатынастарымыз бар. Ең маңызды қағида – біздің елімізде де, Ресей Федерациясында да жазаланатын қылмыстық әрекеттер істеген, яғни іздеуде жүргендерді Ресей Федерациясына экстрадициялау тәртібімен анықтап, қайтаратын боламыз»,– деді Марат Ахметжанов.

Оның айтуынша, Минск конвенциясының және қылмыстық құқықбұзушылыққа қатысты құқықтық көмек көрсету аясында екі ел арасында күн сайын жұмыс жүргізіліп жатады.

«Ал егер әскери комиссариаттар іздеп жатса, бұл келген адамдарды қайтарып беруге заңды негіз болып саналмайды», – деді А.Ахметжанов.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.